हप्ताको दुई दिन बिदा दिने निर्णयविरूद्ध सर्वोच्चमा रिट

खबर कुरा
२३ जेष्ठ २०७९, सोमबार
                 

काठमाडौं । हप्तामा दुई दिन सार्वजनिक बिदा दिने निर्णय खारेजीको माग गर्दै सर्वोच्च अदालतमा रिट दायर भएको छ ।

प्रधानमन्त्री तथा मन्त्रिपरिषदको कार्यालयलाई विपक्षी बनाएर दायर गरिएका रिट निवेदनमा सरकारले हचुवाका भरमा दुई दिन बिदा दिनजे निर्णय गरेको जनाइएको छ ।

साताको दुई दिन बिदा दिने सरकारको निर्णय खारेज गर्न उत्प्रेषण परमादेशसमेत माग गर्दै रामबहादुर शाहीसहित ६ जनाले दर्ता गराएको रिट निवेदनमाथि जेठ २४ गतेका लागि पेसी पनि तोकि सकिएको छ ।

सरकारले जेठ १ बाट साताको दुई दिन बिदा दिने निर्णय कार्यान्वयनमा ल्याएको थियो ।

सरकारले कुनै परामर्श र दूरगामी योजनाबिना गरेको निर्णय कार्यान्वयनमा सकस भइरहेको र उक्त निर्णयबाट देशको आर्थिक क्षेत्रमा ठुलो प्रभाव पर्नुका साथै शिक्षा, स्वास्थ्य क्षेत्रमा असर परेको रिटमा उल्लेख गरिएको छ ।

यसमा तपाइको मत

Your email address will not be published.


*