बन्चरेडाँडामा स्थानीय र प्रहरीबीच झडप, केही राउण्ड अश्रुग्यास प्रहार

खबर कुरा
२५ जेष्ठ २०७९, बुधबार
                 

काठमाडौं । काठमाडौं महानगरपालिकाको फोहोर फ्याँक्न नुवाकोटको बन्चरेडाँडामा गएका गाडीहरुलाई अवरोध गरेपछि बन्चरेडाँडामा स्थानीय र प्रहरीबीच झडप भएको छ ।

मंगलबारदेखि प्रहरीको सहयोगमा फोहोर व्यवस्थापन सुरु गरिएको थियो । तर बुधबार पनि स्थानीयले अवरोध गरेपछि प्रहरीले केही राउण्ड अश्रुग्यास प्रहार गरेको डिआइजी उत्तमराज सुवेदीले बताएका छन् ।

स्थानीयले ढुंगामुढा गरेपछि स्थितिलाई नियन्त्रणमा लिन अश्रुग्यास हान्नुपरेको उनको भनाइ छ ।

काठमाडौंबाट फोहोर लिएर गएका गाडी स्थानीयले अगाडि बढ्न नदिएपछि बिहानदेखि नै बन्चरेडाँडामा ठुलो संख्यामा सुरक्षाकर्मी परिचालन गरिएको छ ।

काठमाडौं महानगरपालिका, सहरी विकास मन्त्रालय र काठमाडौं, धादिङ र नुवाकोटका जनप्रतिनिधिबीच सहमति भएपछि फोहोर उठाउन थालिए पनि बन्चरेडाँडाका स्थानीयले अवरोध गर्दै आएका छन् ।

यसमा तपाइको मत

Your email address will not be published.


*