काठमाडौं । नेकपा माओवादी केन्द्रको स्थायी समिति बैठक बसिरहेको छ ।
दुई दिनअघि मात्र केन्द्रीय समितिमा अध्यक्ष प्रचण्डले घोषणा गरेको स्थायी समिति सदस्यहरुको बैठक पार्टी केन्द्रीय कार्यालय पेरिसडाँडामा बासिरहेको हो ।
बैठकमा पार्टी पदाधिकारी चयन, स्थायी समितिमा थप्न बाँकी सदस्यहरुको मनोनयन लगायत समसामयिक विषयमा छलफल हुने बुझिएको छ ।
माओवादी केन्द्रीय समिति बैठकले १५६ सदस्यीय पोलिटब्यूरो र ४१ सदस्यीय स्थायी समिति चयन गरेको थियो । तर, स्थायी समितिमा केही सदस्य मनोनयन हुन बाँकी रहेका छन् ।
बैठकमा अध्यक्ष प्रचण्डले केही दिनमा पदाधिकारी पनि टुंग्याउने बताएका थिए । वरिष्ठ उपाध्यक्षमा नारायणकाजि श्रेष्ठ र त्यसपछिको मर्यादाक्रममा रहने गरी उपाध्यक्षमा कृष्णबहादुर महरा रहने निश्चित भएपनि महासचिव लगायत अन्य पदाधिकारीहरु टुंग्याउन प्रचण्डले अझै सकेका छैनन् ।
प्रतिक्रिया