काठमाडौं । प्रतिनिधिसभाको शुक्रबारको दोस्रो बैठकमा उपसभामुख निर्वाचन प्रक्रियामा प्रवेश गरेका ेछ । ।
शुक्रबार बसेको पहिलो बैठकले नेपाल नागरिकता (पहिले संशोधन) विधेयक २०७९ माथि विचार गरियोस् भन्ने प्रस्तावलाई बहुमतले स्वीकृत गरेको थियो ।
दोस्रो बैठक सुरु गर्दै सभामुख अग्निप्रसाद सापकोटाले निर्वाचन चयन प्रक्रियामा प्रवेश गरेको जनाएका थिए । त्यसपछि अहिले उपसभामुखका दुई उम्मेदवार पुष्पा भुसाल गौतम र विद्या भट्टराईको पक्षमा सांसदहरुले आआफ्नो समर्थन व्यक्त गरिरहेका छन् ।
गठबन्धनको तर्फबाट साझा उम्मेदवार भुसालको पक्षमा गठबन्धनका सांसदहरुले समर्थन गरेका छन् । एमालेकी उम्मेदवार भट्टराईको पक्षमा भने एमाले र राप्रपाका सांसदको समर्थन रहेको छ ।
भुसाललाई माओवादी केन्द्रका प्रमुख सचेतक देवप्रसाद गुरुङले पुष्पाको नाम प्रस्ताव गरेका थिए । भट्टराईलाई निर्वाचित गरियोस् भन्ने प्रस्ताव शान्ता चौधरीले गरेकी थिइन ।
प्रतिक्रिया