एकै दिनमा १९ सरकारी गाडी रुपन्देही प्रहरीको छड्केमा

बुटवल । सार्वजनिक बिदाका दिन सरकारी सवारी साधन नचलाउने निर्णय कार्यान्वयन गर्दै रुपन्देही प्रहरीले आजबाट एक्सन शुरु गरेको छ । एक्सनमा आएको पहिलो दिनमै रुपन्ेहीका बिभिन्न्न स्थानबाट १९ वटा सतो प्लेटका सवारी साधानलाई प्रहरीले होल्ड गरेको छ ।

रुपन्देही जिल्ला भित्र सरकारी नम्वर प्लेटका सवारी साधनहरु सार्वजनिक बिदाको दिन सरकारी निती विपरित (पास बिना) चलाईएका दुई पाङ्ग्रे तथा चार पाङ्ग्रे सवारी साधन नियन्त्रणमा लिईएको रुपन्देही प्रहरीले जनाएको छ । १९ वटा सवारी साधनहरुलाई प्रहरीले होल्डमा राखी आवश्यक सम्झाई बुझाई गरी छाडिएको रुपन्देही प्रहरी प्रवक्ता डीएसपी नवरत्न पौडेलले जानकारी दिए ।

त्यस्ता सवारीका चालकहरुलाई अव उप्रान्त सम्बन्धित कार्यालय वा अधिकारी बाट पास लिएर मात्र सार्वजानिक विदाको दिन चलाउने सर्त राखि छाडिएको डीएसपी पौडेलले बताए ।