बुटवल । नेकपा एमालेका उपमहासचिव प्रदीप ज्ञवालीले नागरिकता बिधेयकमा माओवादी केन्द्रले आफ्नो अडानबाट पछि हटेर आफ्नै साँसदहरुको भावनामा चोट पु-याएको बताएका छन् ।
प्रेस चौतारी श्रपन्देहीले आज बुटवलमा आयोजना गरेको पत्रकार सम्मेलनमा बोल्दै उपमहासचिव ज्ञवालीले माओवादी केन्द्रकै साँसदहरुले संशोधन प्रस्ताव राखेको नागरिकताको बैबाहिक अंकिकृत नागरिकताको एजेण्डा बिपरित बिधेयक पास गरिएको बताए । रहश्यमय तरिकाबाट बिधेयक पास गरिएको उनले बताए ।
नोकरी, ब्यापार, ब्यवसाय र अन्य क्रियाकलाप गर्न दिएपनि बिबाह गरेर ल्याईए लगत्तै नागरिकता दिनु पर्ने मागको एमालेले पहिले पनि बिरोध गरेको र अहिले पनि विपक्षमा रहेको ज्ञवालीले बताए । बैबाहिक अंगिकृत बाहेकका अन्य एजेणमा भने सरल र सहज तरिकाले हरेक नेपालीले नेपाली नागरिकता पाउनु पर्ने पक्षमा एमाले रहेको पनि उनले प्रष्ट पारे ।
गठबन्धन नगरि चुना जितिन्न भन्ने सोँचमा एमाले नरहेको दाबी गर्दै उपमहासचिव ज्ञवालीले एमाले सत्ता प्राप्त गर्नकै लागि जोसँग पनि लहसीनु पर्छ भन्ने मान्यताबाट एमाले टाढा रहेको बताए । सत्ता नै सबै कुरा हो भनेर जो सँगपनि लहसीने काम एमालेले गर्देन । उनले भने ।
काँग्रेसले आफ्नै नेतृत्वमा सरकार बन्न्े गरि मात्र गठबन्धन गर्ने गरि गरेको निर्णयबाट सत्ता साझेदार अन्य दलले पसिना कढेको चर्चा गर्दै उनले काँग्रेसलाई तर्साउनकै लागि बाम गठबन्धन र बाम एकताको फन्दा चलाईएको बताए । अलि पहिले प्रधानमन्त्रीको अफर आयो भन्ने फन्दा चलाईएको थियो, त्यो फेल खायो अव बाम एकताको फन्दा चलाइृएको छ । ज्ञवालीले भने ।
काँग्रसले चुनाव जित्दा खुसी बनाउनेहरुलाई बामपन्थी मान्न नसकिने भन्दै उनले एमालेको नेतृत्व स्विकार गरेर देश विकास र समृद्दीको एजेण्डा मिल्नेहरुसँग भने चुनावी एकता हुन सक्ने बताए ।
प्रतिक्रिया