पेरिसडाँडामा माओवादी केन्द्रको स्थायी समिति बैठक जारी

काठमाडौं । नेकपा माओवादी केन्द्रको स्थायी कमिटी बैठक शुरु भएको छ । बिहान ९ बजेबाट पार्टी कार्यालय पेरिसडाँडामा बैठक सुरु भएको हो ।

पदाधिकारी चयन, स्थायी कमिटीलाई पूर्णता दिने तथा पूर्व अर्थमन्त्री जनार्दन शर्माका विषयमा पनि बैठकमा छलफल हुने बताईएको छ ।

पदाधिकारीमा पूर्णता पाउन नसकेको बिषयमा कार्यकर्ताबाट आएको चर्को असन्तुष्टीका बिषयमा बैठक केन्द्रीत रहेको माओवादीका एक नेताले बताए । पार्टीमा संघीय निर्वाचन अघि नै पदाधिकारीलगायत विभिन्न संगठनलाई पूर्णता दिनुपर्ने कार्यकर्ताहरुले दवाव दिँदै आएका छन्।