चितवन । नारायणगढ-मुग्लिन सडक पहिरोका कारण अवरुद्ध भएको छ ।
जिल्ला प्रहरी कार्यालय, चितवनका अनुसार भरतपुर महानगरपालिका-२९ घुमाउने नजिकै लेदोसहितको पहिरो खसेर सडक अवरुद्ध भएको हो ।
अहिले पहिरो पन्छाउने काम भइरहेको जिल्ला प्रहरी कार्यालयका प्रहरी नायब निरीक्षक रविन विष्टले बताए । पानी परिरहेकाले पहिरो पन्छाउन सकस भइरहेको उनको भनाइ छ ।
पहिरोले सडक अवरुद्ध भएपछि यात्रु र सवारी साधन बाटोमै रोकिएका छन् । दुवै तर्फ सवारी साधनको लाइन लागेको छ ।
वर्षात शुरु भएसँगै यो सडक पहिरोले अवरुद्ध हुँदै आएको छ । दैनिकजसो सानोठूलो पहिरोले सडक अवरुद्ध हुँदा यात्रुले सास्ती खेप्नु परिरहेको छ ।
प्रतिक्रिया