पहिरोले मध्यपहाडी राजमार्ग अवरुद्ध

खबर कुरा
२१ श्रावण २०७९, शनिबार
                 

पर्वत । गएराति गएको पहिरोले मध्यपहाडी लोकमार्गअन्तर्गत कुश्मा-बाग्लुङ सडकखण्ड अवरुद्ध भएको छ ।

केही दिनदेखिको वर्षाले कुश्मा नगरपालिका-४ डम्डारेखोलामा पहिरो खसेको हो। पहिरोले सडक अवरुद्ध भएपछि मुस्ताङ, बाग्लुङ र म्याग्दीबाट छुटेका गाडी बाटोमै अलपत्र परेका छन् ।

पहिरो पन्छाउने काम भइरहेको जिल्ला प्रहरी कार्यालय, पर्वतका प्रहरी नायव उपरीक्षक शिवराज बुढाथोकीले बताए । उनका अनुसार ढुंगासहितको लेदो बगेकाले समय लाग्ने भएको छ ।

वर्षायाम लागेसँगै यो सडकखण्ड पटकपटक पहिरो गएर अवरुद्ध हुँदै आएको छ ।

यसमा तपाइको मत

Your email address will not be published.


*