प्रधानन्यायाधीश महाअभियोग प्रस्तावमाथि आइतबारबाट संसदमा छलफल शुरु हुने

खबर कुरा
२१ श्रावण २०७९, शनिबार
                 

काठमाडौं । महाअभियोग दर्ता गरेर लामो समय बेवारिसे अवस्थामा राखिएको प्रधानन्यायाधीश चोलेन्द्रशम्शेर जवरा विरुद्धको महाअभियोग प्रस्तावले आइतबारबाट संघीय संसदमा प्रवेश पाउने भएको छ । प्रतिनिधिसभा बैठकमा आइतबारदेखि सर्वोच्च अदालतका प्रधानन्यायाधीश जबरामाथिको महाभियोगको प्रस्तावमाथि छलफल हुने भएको हो । आइतबार बस्ने प्रतिनिधिसभा बैठकबारे संघीय संसद सचिवालयले प्रकाशन गरेको कार्यसूचीमा राणामाथिको महाअभियोगबारे छलफल हुने उल्लेख छ ।

मिति २०७८ फागुन १९ गतेको बैठकमा सांसद देवप्रकाश गुरुङले नेपालको संविधानको धारा १०१ को उपधारा २ एवं प्रतिनिधि सभा नियमावली २०७५ को नियम १६१ को उपनियम १ बमोजिम प्रस्तुत गरेको प्रधानन्यायाधीश चोलेन्द्रशमशेर जबरा विरुद्ध दर्ता भएको महाभियोगको प्रस्तावमाथि छलफल हुने । संसद सचिवालयले प्रकाशन गरेको कार्यसूचीको बुँदा नम्बर ४ मा उल्लेख छ ।

गत २०७८ फागुन १९ गते संसदमा प्रधानन्यायाधीश राणामाथिको महाभियोग दर्ता भएपनि प्रस्तावमाथि संसदमा छलफल हुन नसक्दा सर्वाेच्च अदालत कार्यबाहक प्रधानन्यायाधीशबाट संचालन हुँदै र्आको छ । महाअभियोग दर्ता भएकै दिनबाट जबरा निलम्बनमा रहेका छन् ।

भोलिको बैठकमा सभामुखले राष्ट्रपति कार्यालयबाट प्राप्त विधेयक प्रमाणीकरणसम्बन्धी पत्र पढेर सुनाउने, प्रधानमन्त्री शेरबहादुर देउवाले महालेखा परीक्षकको ५९ औं वार्षिक प्रतिवेदन बुझाउने लगायतका कार्यसूची रहेको छ ।

 

यसमा तपाइको मत

Your email address will not be published.


*