बुटवल । गुल्मीको धुर्कोट मसुरेखर्कबाट रुपन्देहीमा आएर बसोबामस गरिरहेकाहरुको संगठन धुर्कोट मसुरेखर्क सम्पर्क समाजको भेटघाट तथा परिचयात्मक कार्यक्रम सम्पन्न भएको छ । हरितालीका (तिज)को अबसर पारेर गुल्मी धुर्कोट मसुरेखर्कबाट रुपन्देही आई बसोवास गरेकाहरुकाबीच भेटघाट तथा परिचयात्मक कार्यक्रम आयोजना गरिएको हो ।
गुल्मी धुर्कोट मसुरेखर्क सम्पर्क समाजका जेष्ठनागरिक वालकुमारी खनालको प्रमुख आतिथ्य नरमदा खनाल र शाबित्रा खनालको बिशिष्ठ आतिथ्यतामा भएको कार्यक्रममा बोल्दै संस्थाका, सहसंयोजक बसुन्धरा भुसाल र सल्लाहकार बुद्धि पराजुलीले धुर्कोट मसुरेखर्कबाट बिभिन्न प्रयोजनमा रुपन्देही आएर बसोवास गर्ने सबैएक आपसमा परिचित हुने तथा एक अर्कोलाई समस्या पर्दा सबैले सहयोग गर्ने उदेश्यले भेटघाट कार्यक्रम राखिएको बताए ।
गुल्मी धुर्कोट मसुरेखर्क सम्पर्क समाजका कोषाध्यक्ष चिन्तामणि घर्ति सदस्य,दधिराम खनाल सदस्यहरु चिरञ्जीबि खनाल चन्द्रकान्त खनाल बुद्धिराम खनाल लगायतको सहभागिता रहेको थियो ।
कार्यक्रममा सहभागिहरुका लागि दर खुवाउनुका साथै तीजको भाकामा नाचगान समेत भएको थियो ।
प्रतिक्रिया