सुर्खेत । डोल्पाको त्रिपुरासुन्दरी नगरपालिका– ३ मा पर्ने झुम खोलामा पहिराले एक्स्काभेटर पुरिँदा चालकको घटनास्थलमै मृत्यु भएको छ । डोल्पाको जिँउ–जुफाल जोड्ने सडक निर्माण गर्ने क्रममा आइतबार बिहान एक्स्काभेटर पहिराले पुर्दा चालकको घटनास्थलमै मृत्यु भएको हो ।
मृत्यु हुनेमा नेपालगन्ज उपमहानगरपालिका– १९ राँझा बस्ने ३० वर्षीय सुरज बसाल मगर रहेको प्रहरीले जनाएको छ । मेसिनमा च्यापिएर रहेको शव निकालेर पोस्टमार्टमका लागि सदरमुकाम दुनै लैजाने तयारी गरिएको त्रिपुरासुन्दरी प्रहरी चौकीका प्रहरी नायव निरीक्षक रुद्रबहादुर शाहीले बताए।
प्रतिक्रिया