माओवादी केन्द्रको स्थायी समिति बैठक आजपनि बस्दै

काठमाडौं । नेकपा (माओवादी केन्द्र) को स्थायी समितिको बैठक आज पनि बस्दै छ ।

पार्टी केन्द्रीय कार्यालय पेरिसडाँडामा आज बिहान बैठक बस्न लागेको जनाइएको छ । बैठकमा आगामी मंसिर ४ गते हुने प्रतिनिधिसभा र प्रदेशसभा निर्वाचनको तयारीका विषयमा छलफल हुने भएको छ ।

मंगलबारको बैठकमा माओवादीको चुनाव चिह्नमा चुनावमा जाने नेपाल समाजवादी पार्टी नेसपा र वामदेव गौतमको नेकपा राष्ट्रिय एकता अभियानको प्रस्तावलाई स्वीकार गर्ने निर्णय भएको थियो । जसअनुसार, मंगलबार निर्वाचन आयोगमा निवेदन दिइएको थियो ।

आजको बैठकमा चुनावी रणनीति, गठबन्धनको सीट बाँडफाँडाको विषयमा छलफल हुने जनाइएको छ ।