चोलेन्द्रले आरोप लगाएका कानून व्यवसायीहरु महाअभियोग सिफारिस समितिमा उपस्थित

काठमाडौं । दिउँसो १ बजेबस्ने भनिएको महाअभियोग सिफारिस समितिको बैठक ३ बजेपछि बसिरहेको छ ।

बैठकमा निलम्बित प्रधानन्यायाधीश चोलेन्द्र शमशरे जबराले नाम मुछेका कानूनव्यवसायीहरुआफुमाथि लागेको आरोपको प्रतिवाद गर्न उपस्थित भएका छन् ।

नेपाल बारका निवर्तमान अध्यक्ष चण्डेश्वर श्रेष्ठ, महासचिव लिलामणि पौड्याल, बारका पूर्व अध्यक्षहरु शम्भु थापा, दाहाल, रमण श्रेष्ठ, पूर्णमान शाक्य ओमप्रकाश अर्याल लगायतका कानून व्यवसायीहरु बैठकमा उपस्थित भएका छन् ।

समितिलाई बयान दिने क्रममा सर्वोच्चका सहकर्मी न्यायाधीसहरु, पूर्वप्रधान्यायाधीसहरु, कानूनव्यवसायीहरुलगायतलाई जबराले एक एक गरी आरोपित गरेका थिए । समितिले न्यायाधीशहरु र पूर्वप्रधानन्यायाधीशहरुलाई पनि उपस्थितिका लागि पत्राचार गरेपनि उनीहरु अनुपस्थित भए । सर्वोच्च अदालतको फुल कोर्ट बैठकले समितिमा उपस्थित हुन कानूनले नदिने भन्दै अस्वीकार गरेको थियो भने पूर्वप्रधानन्यायाधीसहरुले पनि अनुपस्थित हुने जनाएका थिए ।उनीहरुले चोलेन्द्रलाई आरोप पुष्टि गर्न चुनौती भने दिएका छन् ।