चोलेन्द्रलाई बयानमा हस्ताक्षर गराईदै, पुरक प्रश्न सोध्न नहुने एमालेको अडान

काठमाडौं । निलम्बित प्रधानन्यायाधीस चोलेन्द्र शमशेर जबरालाई पुरक प्रश्न नसोध्न महाअभियोग सिफारिस समितिमा रहेका एमाले सांसदहरुले माग गरेका छन् ।

समितिले आज जबरालाई समितिमा बोलाएर पुरक प्रश्न सोध्ने तयारी गरेपछि एमालेका सांसदहरुले त्यसमा असहमति जनाएका हुन् ।
एमाले सांसदहरु कृष्णभक्त पोखरेल, लालबाबु पण्डित र शिवमाया तुम्बाहाम्फेले जबरालाई थप प्रश्न सोध्न आवश्यक नरहेको जिकिर गर्दै आवश्यक कागजात संकलन गर्नुपर्ने जिकिर गरेका छन् ।

तर सत्तारुढ गठबन्धनका सांसदहरुले भने जबरालाई पुरक प्रश्न सोधेर आजै प्रतिवेदन तयार गर्ने तयारीमा रहेका छन् ।

अहिले जबरालाई यसअघि उनले दिएको बयानमा हस्ताक्षर गराईंदै छ ।

भोलि बस्ने प्रतिनिधिसभाको बैठकमा प्रतिवेदन पेश गर्नेगरी अघि बढ्ने तयारी छ ।