भैरहवा । रुपन्देहीको रोहिणी गाउँपालिकाका अध्यक्ष विद्या प्रसाद यादवले गाउँपालिकामा रहेका विभिन्न सामूदायिक विद्यालयमा पुगेर अनुगमन तथा निरीक्षण गरेका छन् । विद्यालयको वास्तविकता थाहा हुने र सुधार गर्न सजिलो हुने भएकाले विद्यालयमै पुगेर अनगुमन गरिएको अध्यक्ष यादवले बताए ।
शुक्रबार रोहिणी-२ स्थित पोखरभिण्डी माध्यमिक विद्यालय, त्रिवेणी आधारभूत विद्यालय र श्रीराम आधारभूत विद्यालयमा अनुगमन गरिएको उनले जानकारी दिए । उनले भने, ‘शिक्षा क्षेत्रलाई गाउँपालिकाले प्राथमिकतामा राखेको छ ।’ आगामी दिनमा अन्य विद्यालयमा पनि निरीक्षण तथा अनुगमन गरिने उनले बताए ।
गाउँपालिकाका अध्यक्ष यादवसहित प्रमुख प्रशासकीय अधिकृत श्री प्रसाद गौतम, रोहिणी गाउँपालिका वडा नम्बर २ का वडाअध्यक्ष करम हुसेन खाँ, गाउँपालिकाका स्वास्थ्य शाखा प्रमुख राम नेवास प्रसाद चौधरीसहितको टोलीले विद्यालयहरुको निरीक्षण गरेको हो । अध्यक्षसहित टोलीले कक्षाकोठामै पुगेर शिक्षकहरुले अध्यापन गराएको निरीक्षण समेत गरेको छ ।
प्रतिक्रिया