फुटबल जीवनबाट गोन्जालोले गरे सन्यास घोषणा

काठमाडौं । अमेरिकी फुटबल क्लब इन्टर मियामीका फरवार्ड गोन्जालो हिगुईनले सन्यासको घोषणा गरेका छन् । उनले सोमबार फुटबल खेल जीवनबाट सन्यास घोषणा गरेका हुन् ।

उनले २०२२ सिजनको अन्त्यपछि फुटबल नखेल्ने घोषणा गरेका हुन् । अर्जेन्टिनाका उनी इटालियन क्लब युभेन्ट्सबाट २०२० मा मियामी आएका थिए । ३४ वर्षीय उनले चार सिजन युभेन्ट्समा बिताएपछि मियामीमा खेल्न थालेका हुन् । सन् २०१६ मा नापोलीबाट युभेन्ट्स पुगेका उनले १४९ खेलमा ६६ गोल गरेका थिए ।

रियल मड्रिडका पूर्व खेलाडी उनले युभेन्ट्सबाट तीन सिजन सिरी ए र दुई पटक कोपा इटालिया जित्न सफल भए ।