मकवानपुर । पूर्व पश्चिम राजमार्गको नारायणगढ बीरगन्ज सडक अन्तर्गत अमलेखगञ्जस्थित ३ नम्बर पुलमा बस दुर्घटनामा मृत्यु हुनेको संख्या १४ पुगेको छ । बिहान करिब ११ बजे भएको सो दुर्घटनामा २५ जना घाइते भएको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय पथलैया बाराले जनाएको छ ।
ट्राफिक व्यवस्थापन कार्यालयका अनुसार नारायणगढबाट वीरगञ्जतर्फ जाँदै गरेको बा ०६–००१ ख ०११० नम्बरको बस बारा जिल्लाको जीतपुर सिमरा उपमहानगरपालिका–२२ अमलेखगञ्जस्थित ३ नम्बर पुलमा दुर्घटना हुँदा १४ जनाको मृत्यु भएको हो । प्रहरीका अनुसार मृत्यु हुनेमा ९ जना पुरुष र ५ जना महिला छन् । बस सडकको बार भत्काउँदै तल खोलामा खसेको छ ।
घाइतेहरुको उद्धारको कार्य जारी छ, उनिहरुलाई सिमर स्थित अल्पाइन र हेटौंडा अस्पतालमा अपचारका निम्ती पठाउने कार्य भइरहेको अमलेखगन्ज प्रहरीले जानकारी दिएको छ । उद्दारकार्य जारी रहेकाले मृतकको सनाखत भइनसकेको प्रहरीले जनाएको छ ।
प्रतिक्रिया