काठमाडौं । सत्तारुढ गठबन्धनले आज लुम्बिनी र गण्डकीमा संयुक्त चुनावी प्रशिक्षण गर्दैछन् ।
गठबन्धनमा आबद्ध तीन दलले चुनावी अभियान तीव्र पार्ने क्रममा आज दुई प्रदेशमा प्रशिक्षण गर्न लागेका हुन् ।
प्रशिक्षण कार्यक्रमलाई प्रधानमन्त्री एवं नेपाली कांग्रेसका सभापति शेरबहादुर देउवा, माओवादी अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल लगायतका शीर्ष नेताले सम्बोधन गर्नेछन् ।
प्रशिक्षणमा भाग लिन दुवै प्रदेशका गठबन्धनका नेताहरु बुटवल र पोखरामा उपस्थित भएका छन् । प्रशिक्षणमा प्रदेशबाट प्रतिनिधित्व गर्ने केन्द्रीय कमिटीका सदस्यहरु, प्रदेश कमिटी र जिल्ला कमिटिका पदाधिकारीहरु सहभागि हुँदैछन् ।
लुम्बिनी स्तरीयप्रदेश प्रशिक्षण दिउँसो २ बजेबाट योगीकुटीस्थित होटल पौवामा हुँदैछ । लुम्बिनीमा प्रशिक्षण दिनुअघि शीर्ष नेताहरुले पोखरामा गण्डकी पोखरामा प्रशिक्षण दिने कार्यक्रम रहेको छ । पोखरामा बिहान ११ बजेबाट प्रशिक्षण कार्यक्रम सुरु हुने बताइएको छ ।
प्रतिक्रिया