विराटनगर । नेपाली कांग्रेसका सभापति एवं प्रधानमन्त्री शेरबहादुर देउवाले आफुले हँसिया हथौडामा भोट हालिसकेको बताउँदै नेता कार्यकर्ताहरुलाई पनि सो चुनाव चिन्हमा भोट हाल्न आग्रह गरेकाछन् ।
नेपाली काँग्रेसका सभापति एवम् प्रधानमन्त्री शेरबहादुर देउवाले आफूले हँसिया हथौडामा भोट हालिसकेको बताएका छन् ।
सत्ता गठबन्धनको प्रदेशस्तरीय भेलालाई शनिबार विराटनगरमा सम्बोधन गर्दै देउवाले शान्ति सम्झौता गर्ने बेलामै गिरिजाप्रसाद कोइरालाले भोट हालेको जिकिर गर्दै अहिले पनि सबैले सहयोग गर्नुपर्ने बताएका हुन् ।
देउवाले रुख चुनाव चिन्ह भएको ठाउँमा रुखमा, रुख नभएको ठाउँमा हँसिया हथौडा, कलम जुन चिन्ह छ त्यसैमा भोट हाल्न आग्रह गरे । सत्ता गठबन्धन लोकतन्त्र र गणतन्त्रलाई सुदृढ गराउन बनेका कारण कार्यकर्ताहरुलाई निश्चित बन्न उनले आग्रह गरे ।
प्रतिक्रिया