२४ घण्टामा १६ जना कोरोना संक्रमित थपिए, सक्रिय संक्रमितको संख्या ६४१

काठमाडौं । देशभर डेंगुको आतंक फैलिरहेका बेला कोरोना भाइरसको चर्चा कम हुँदै गएको छ । यद्यपी, यो भाइरबाट संक्रमित हुने क्रम भने अझै पनि शुन्यमा झन सकेको छैन ।

पछिल्लो २४ घण्टामा देशभर १६ जनामा कोरोनाभाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

१ हजार ११७ जनामा मात्र गरिएको परीक्षणका क्रममा १६ जनामा संक्रमण पुष्टि भएको हो । यसै अवधिमा ३५ जना संक्रमित संक्रमणमुक्त भएका छन् ।

आजसम्म देशभर ६४१ जना कोरोनाभाइरसका सक्रिय संक्रमित रहेको मन्त्रालयले जनाएको छ ।