काठमाडौं । छुट्टाछुट्टै स्थानमा आगोमा जेलेर तथा बाल्टिको पानीमा डुबेर २ नाबालकको मृत्यु भएको छ । बाजुरमा आगोमा जलेर ५ महिनाको शिशुको ज्यान गएको छ भने काठमाडौंमा बाल्टिनमा राखेको पानीमा डुबेर ४ वर्षिय बालकको मृत्यु भएको हो ।
बाजुराको बुढीन्नदा नगरपालिका–९ अगाउँपानीमा आगोले जलेर शिशुको मृत्यु भएको हो । आइतबार बिहान ज्ञानेन्द्र धामीको घरको चुलोबाट सल्किएको आगोमा परेर शिशुको मृत्यु भएको जिल्ला प्रहरी कार्यालय बाजुराले जनाएको छ ।
प्रहरीका अनुसार चुलोको नजिकै सुताइ राखेको शिशुको जलेर मृत्यु भएको हो।
यता काठमाडौं महानगरपालिका–९ गौशला चोकस्थित तुलसी गेष्ट हाउसको छतमा बाल्टीमा रोखेको पानीमा डुबेर एक जनाको मृत्यु भएको छ ।
मृत्यु हुनेमा सोही गेष्ट हाउसमा बस्ने बाँके बैजनाथ–३ घर भएका ३० वर्षीय राज बहादुर चौधरीको छोरा चार वर्षीय आरोज चौधरी छन् ।
डुबेर गम्भीर घाइते भएका उनको काठमाडौंको सिनामंगलस्थित केएमसी अस्पतालमा उपचारको क्रममा मृत्यु भएको प्रहरीले जनाएको छ ।
घटनाका बारेमा प्रहरीले थप अनुसन्धान गरिरहेको छ ।
प्रतिक्रिया