बुटवल । रुपन्देहीको शुद्धोधन गाउँपालिका स्थानीयले एक गाडीसहित मदिरा नियन्त्रणमा लिएका छन् ।
रुपन्देही क्षेत्र नम्बर ३ अन्तरगत पर्ने शुद्धोधन–१ बलेवामा स्थानीयले शुक्रबार दिउसो मदिरासहितको गाडी नियन्त्रणमा लिएको ईलाका प्रहरी कार्यालय रनौंरा (मुर्गिया) का प्रमुख जीवन लामिछानेले बताए ।
स्थानीयले मदिरासहितको गाडी नियन्त्रणमा लिएपछि आफूहरुलाई खबर गरे पनि सम्पूर्ण अनुसन्धन गरेर मात्रै त्यहाँबाट गाडी लैजान पाउने भन्दै स्थानीयले घेरा हालेपछि आवश्यक प्रक्रिया पुर्याउने भनेर गाडीलाई घटनास्थलमै छाडिएको लामिछानेले बताए ।
स्थानीय एक युवाका अनुसार टाटा पिकअप गाडीमा मतदातालाई प्रभावित पार्नेगरी नेपाली काँग्रेसका कार्यकर्ताले वितरण गर्न मदिरा हिँडालेका थिए । स्थानीय सुद्धोधन–१ का वडा सदस्य मुरलीधर लोनियाले आफैले गाडी चलाएको र स्थानीयले नियन्त्रणमा लिएपछि गाडी छाडेर भागेको घटनाका प्रत्यक्षदर्शीले बताएका छन् । लोनिया नेपाली काँग्रेसको तर्फबाट गत बैशाख ३० गते सम्म स्थानीय तहको निर्वाचनमा वडा सदस्यमा निर्वाचित भएका थिए ।
प्रहरीले सम्बन्धित दोषीलाई छाडेर गाडीलाई मात्र नियन्त्रणमा लिने देखिएपछि सबै अनुसन्धान गर्नु पर्ने माग गर्दै स्थानीयले रोकेको प्रत्येक्षदर्शी एक युवाले बताए । गाडीको अगाडि र पछाडि दुबैतर्फको नम्बर प्लेट समेट राम्रोसँग नबुझिने अवस्थामा भेटिएको स्थानीय विजय थापाले जानकारी दिए ।
प्रहरीले घटनाको पुष्टि गर्दै कुन प्रयोजनका लागि गाडीमा मदिरा राखिएको थियो भन्नेबारे छानविन भैरहेको जनाएको छ ।
प्रतिक्रिया