खजुरा । बाँके निर्वाचन क्षेत्र नम्बर ३ मा शान्तिपूर्ण मतदान कार्य सम्पन्न भएको छ । क्षेत्र नम्बर ३ को ४८ मतदान स्थलको १३० मतदान केन्द्रबाट मतपेटिका मतगणनास्थल ल्याउने क्रम शुरु भएको छ ।
५६३५६ पुरुष, ५६९६५ महिला र एकजना अन्य गरि ११३३२२ मतदाता रहेको क्षेत्र नम्बर ३ मा कवि ६० प्रतिशत मत खसेको निर्वाचन अधिकृत प्रकाश बहादुर भण्डारीले जानकारी दिए । केही मतदान स्थलबाट विवरण आउन बाकी रहेको उल्लेख गर्दै भण्डारीले सरदर सबै मतदान केन्द्रमा ६० प्रतिशतको अनुपातमा मत खसेको बताए ।
क्षेत्रभरीबाट प्रत्यक्ष र समानुपातिक गरि ५२० मटपेटिका मतगणना स्थल कपास विकास समितिको प्रधान कार्यालयमा द्ययाउने क्रम शुरु भएको छ । सबै मटपेटिकाको भण्डारण गर्ने र दलहरुबीच बैठक बसेर कार्यबिधि बने लगत्तै मतगणना शुरु हुने निर्वाचन अधिकृत भण्डारीले बताए । मतगणनास्थलमा तारजाली सहित सीसी क्यामेरा जडान गरिएको छ ।
क्षेत्र नम्बर ३ मा एमाले उम्मेदवार किस्मत कक्षपति र सत्ता गठबन्धनका उम्मेदवार किशोरसिंह राठोर बीच प्रतिस्पर्धा हुने देखिएको छ ।
प्रतिक्रिया