रुपन्देही-२ मा ६६ प्रतिशत बढी मत खसेको अनुमान, मतमेटिका संकलन जारी

बुटवल । रुपन्देही क्षेत्र नम्बर २ मा मतदान सकिएसँगै मतपेटिका संकलन गर्ने काम सुरु भएको छ ।

निर्वाचन अधिकृतको कार्यालय रुपन्देही क्षेत्र नम्बर २ का निर्वाचन अधिकृत उदविर नेपालीका अनुसार यस क्षेत्रमा ६६ देखि ७० प्रतिशत खसेको प्रारम्भिक आंकलन गरिएको छ ।

१३१ मतदान केन्द्र रहेको रुपन्देही २ मा १ लाख २६ हजार ८०७ मतदाता रहेका छन् ।

खबरकुरासंग कुराकानी गर्दै निर्वाचन अधिकृत नेपालीले मतगणना कहिलेदेखि सुरु गर्ने भन्ने विषयको अहिलेसम्म टुङ्गो नलागेको बताए ।

सबै मतदान केन्द्रहरुबाट मतपेटिका संकलन भएपछि सर्वदलीय बैठक बसी सो बारे निर्णय गरिने बताउँदै उनले बैठक बस्ने समय समेत टुङ्गो नलागेको बताए ।