२५ माघ २०७९, बुधबार | February 8, 2023

बाँकेमा ६५ दशमलव ७ प्रतिशत मत खस्यो, यसरी शुरु हुँदैछ मतगणना



नेपालगन्ज । बाँकेमा प्रदेशसभा तथा प्रतिनिधिसभा निर्वाचन शान्तिपूर्णरुपमा सम्पन्न भएको छ । जिल्लका १३८ मतदान स्थलका ३८० मतदान केन्द्रहरुमा शान्तिपूर्णरुपमा मतदान कार्य सम्पन्न भएको जिल्ला निर्वाचन कार्यालय बाँकेले जनाएको छ ।

३ लाख ३२ हजार २३१ मतदाता रहेको बाँकेमा २ लाख १८ हजार ३४९ मत खसेको छ । तदअनुसार बाँकेमा ६५ दशमलव ७ प्रतिशत मत खसेको कार्यालयले जानकारी दिएको छ । जसमा पुरुष १ लाख ६ हजार ३२२ जना पुरुष र १ लाख १२ हजार २४ जना महिला तथा ३ जना तेस्रो लिङ्गीले मतदान गरेका छन् ।

मतपेटिकाहरु मतगणनास्थल पुर्याउने कार्य जारी रहेको र मतपेटिका भण्डारण पछि दलहरुसँग बैठक बस्ने जिल्ला निर्वाचन अधिकारी रमा पन्तले जानकारी दिइन् । दलहरुको सहमतिमा त्यस लगत्तै मतगणना शुरु हुने उनले बताइन् ।

बाँकेका ३ वटै निर्वाचन क्षेत्रमा कुनै बल प्रयोग गर्नु पर्ने अवस्था नआइ मतदान सम्पन्न् भएको बाँके प्रहरी प्रमुख एसपी श्यामकृष्ण अधिकारीले बताए । मतदाता र दलहरुको संयमताले बाँकेमा शान्तिपूर्ण वातावरणमा मतदान सकिएको उनले बताए ।

बाँके १ को मतगणना राप्तीसोनारी गाँउपालिका कार्यालय अगैयामा, क्षेत्र नम्बर २ को भेरी प्राविधिक शिक्षालय नेपालगन्जमा र क्षेत्र नम्बर ३ को मतगणना कपास विकास समिति, खजुरामा हुँदैछ ।

बाँकेमा तीन जना प्रतिनिधि सभा र ६ जना प्रदेश सभा सदस्यका लागि ८९ जनाले प्रतिस्पर्धा गरिरहेका छन्।

प्रकाशित मिति : ४ मंसिर २०७९, आइतबार  ७ : ५४ बजे

राष्ट्रियसभा सदस्य उपनिर्वाचनको मतदान जारी, आजै नतिजा आउने

दाङ। लुम्बिनी प्रदेशमा एक सिटका लागि राष्ट्रियसभा सदस्य उपनिर्वाचनको मतदान

मोलुङ हाइड्रोपावरको आइपिओ आउँदै

काठमाडौं । मोलुङ हाइड्रोपावर कम्पनी लिमिटेडले सर्वसाधारणका लागि साधारण शेयरको

८ औं मणिमुकुन्द रनिङकप भलिबल : दोस्रो दिनको पहिलो खेलमा नवलपुर विजयी

बुटवल । रुपन्देहीको मणिमुकुन्द भलिबल क्लब तिलोत्तमाको आयोजनामा मगलबारदेखि सुरु

राष्ट्रपतिबारे उच्चस्तरीय राजनीतिक संयन्त्रमा छलफल हुन्छ : प्रधानमन्त्री प्रचण्ड

काठमाडौं । उच्चस्तरीय राजनीतिक संयन्त्रको बैठक भोलि बस्ने भएको छ

सुन तोलाको दुई सयले बढ्यो

काठमाडौं । सुनचाँदी बजारमा आज छापावाल सुनको मूल्य अघिल्लो कारोबार