नर्वेजियन काउन्सिलर सहितको टोलि खजुराको मुस्लिम र दलित बस्तीमा

खजुरा । खजुरा गाँउपालिकाको निमन्त्रणमा आएका नेपालका लागि नर्वेजियन राजदूतावासको कन्सुलर अनिला खान सहितको टोलिले गाँउपालिकाको मुस्लिम, मधेशी तथा दलित बस्तीको अवलोकन भ्रमण गरेका छन् । गाँउपालिकाका अध्यक्ष डम्बर विकको सक्रियतामा कन्सुलर खान सहितको टोली खजुरा पुगेको हो ।

टोलीले खजुरा गाउँ पालिकाका मुस्लिम, मधेशी र दलित बाहुल्यता रहेको ४ वटा वडाको अवलोकन गर्दै स्थानीयसँग प्रत्येक्ष गुनासो र समस्या समाधानका बिषयमा छलफल गरेको पालिकाका अध्यक्ष विकले जानकारी दिए । काउन्सिलर खान सहितको टोलिको भ्रमणले अन्तर्राष्ट्रियस्तरबाट पालिकाम रहेका दलित ,मुस्लिम समुदायलाई सेवा र अवस्था मजबुत बनाउन सहयोग पुग्ने विकले बताए ।

भ्रमण टोलिसमक्ष स्थानीयले शिक्षाको सन्दर्भमा मदरसाको शैक्षिक स्तर खस्किएको धार्मिक विभेद, रुढिवादी परम्परा, बेरोजगारी समस्या रहेको बताएका थिए ।

कार्यक्रम बोल्दै नर्वेजियन काउन्सिलर खानले विपन्न समुदायको समस्या समाधान गर्न स्थानीय पालिकाको समन्वयमा सहकार्य गर्ने प्रतिबद्धता व्यक्त गरिन् ।