काठमाडौं । ब्राजिलको राष्ट्रिय फुटबल टोलीका मुख्य प्रशिक्षक टिटेले राजीनामा दिएका छन् ।
शुक्रबार राति भएको कतार विश्व कपको क्वाटरफाइनलबाट ब्राजिल पराजित भएपछि मुख्य प्रशिक्षक टिटेले राजीनामा दिएका हुन् ।
शुक्रबार राति भएको खेलमा क्रोएसियालले ब्राजिललाई पेनाल्टी सुटआउटमा ४-२ गोल अन्तरले पराजित गरेको थिए । निर्धारित समयमा कसैले पनि गोल गर्न नसकेपछि समय थप गरिएको थियो ।
उक्त समयमा दुवै टिमले एकरएक गोल गरे पनि कसैले पनि जित हात पार्न सकेनन् । जित-हारका लागि खेल पेनाल्टीमा परिणत भएको थियो ।
टिटेको नेतृत्वमा ब्राजिलले सन् २०१९ मा कोपा अमेरिकाको उपाधि जितेको थियो । ६१ वर्षीय प्रशिक्षक टिटे सन् २०१६ मा ब्राजिलको मुख्य प्रशिक्षक नियुक्त भएका थिए ।
प्रतिक्रिया