नेपालगन्ज । नेपालगन्जमा आज सम्पन्न धारा नेपालगन्ज म्याराथन अन्तर्गतको लामो दुरीको उपाधी नेपाली सेनाले कब्जा गरेको छ । म्याराथनको ४२ किलोमिटरको दुरी २ घण्टा २० मिनेटमा पूरा गरेर पहिलो उपाधी सेनाका खडगबहादुर खड्काले जितेका छन् ।
सोही दुरी अन्तर्गतको म्याराथनको दोस्रोमा नेपाली सेनाका नरेन्द्रसिंह रावत र तेस्रो नेपाली सेनाकै मोहनदेव जोशी भएका छन् ।
हाफ म्याराथनको उपाधी पनि नेपाली सेनाकै सन्तोषी श्रेष्ठले जितेकी छनू ।
हरेक बर्ष मंसिरको पहिलो शनिवार आयोजना हुँदै आएको नेपालगन्ज म्याराथन आमनिर्वाचनका कारण तीन साता पछाडि सारिएको हो ।
एक दशक लामो सशस्त्र द्वन्द्व विधिवत अन्त्य भइ राज्य र विद्रोही पक्षबीच बृहत शान्ति सम्झौतामा हस्ताक्षर भएको दिन (मंसिर ५) लाई स्मरण गर्दै आठ बर्षअघि नेपालगन्ज म्याराथन आरम्भ भएको थियो । म्याराथनलाई सुरुदेखि नै केएल दुगड ग्रुपको धारा ब्राण्डले मुख्य प्रायोजन गर्दै आएको छ ।
प्रतिक्रिया