काभ्रेको बेथानचोकमा बस दुर्घटना, १३ जनाको मृत्यु

काठमाडौं । काभ्रपलाञ्चोक जिल्लाको बेथानचोक गाउँपालिकामा बस दुर्घटना भएको छ ।

बेथानचोक ४ स्थित चलाल गणेशस्थानको सल्लाफेद भन्ने स्थानमा मंगलबार साँझ बस दुर्घटना भएको हो । सो बस बेथानकोटबाट पनौती नगरपालिका–४ सल्ले फर्किदै थियो ।

दुर्घटनामा १३ यात्रुको मृत्यु भएको जिल्ला प्रहरी प्रमुख प्रहरी उपरीक्षक चक्रराज जोशीले बताएका छन् ।

दुर्घटनाका २० जना घाइतेलाई भने उपचारका लागि धुलिखेल अस्पताल र शिरमेमोरियल अस्पतालमा ल्याइएको छ

घटनास्थलमा अझै पनि नेपाल प्रहरी र नेपाली सेना र स्थानीय बासिन्दाले उद्दार कार्य जारी राखेका छन् ।