बुटवल । राष्ट्रिय युवा संघ नेपाल महिला विभाग रुपन्देहीले मैनाबगरमा रहेको मैनाबगर आधारभुत विद्यालयमा शैक्षिक सामाग्री वितरण गरेको छ । युवा संघ नेपाल रुपन्देही महिला विभागको आयोजनामा उक्त सामाग्रीहरु वितरण गरेको हो ।
कार्यक्रममा युवा संघ नेपाल रुपन्देही महिला विभाग प्रमुख श्रद्वा कुबंरले युवासंघ नेपालले राजनितिकसंगै सामाजिक क्षेत्रमा केहि गर्नुपर्छ भन्ने उद्धेश्यले शैक्षिक सामाग्रीको वितरण गरेको बताईन ।
सो अवसरमा विद्यालयमा पढ्ने १२० जना विद्यार्थीलाई करिब ६ महिनालाई पुग्ने शैक्षिक सामाग्री वितरण गरिएको थियो । कार्यक्रममा प्रमुख अतिथि नेकपा एमाले प्रदेश कमिटि सदस्य तथा अनेमा संघका केन्द्रीय सदस्य ज्ञानु केसीले युवाहरु राजनिति परिवर्तन संगै सामाजिक काममा लाग्नु पर्ने बताईन । राष्ट्रिय युवा संघ नेपाल महिला विभाग रुपन्देहीद्वारा स्टेसनरी सहयोग गरि विद्यार्थीलाई पठनपाठन गर्न हाैसाला बढेकाे आगामी दिनमा पनि यसलाई थप निरन्तरता दिन आग्रह गरिन । 
कार्यक्रममा युवा संघ नेपाल रुपन्देही जिल्ला इन्चार्ज नकुल शाहि ठकुरी, केन्द्रीय सदस्य कल्पना पाण्डे मगर, जिल्ला अध्यक्ष मनोज गौचन, जिल्ला उपाध्यक्ष बिकास जङ बस्नेत, उपाध्यक्ष बिकास गतहराज, बुटवल नगर अध्यक्ष सुदर्शन खाम्छा लगायतले मन्तब्य राखेका थिए । कार्यक्रम राधिका महतको संचालन तथा श्रद्वा कुबंरको अध्यक्षमा सम्पन्न भएको थियो ।
प्रतिक्रिया