खजुरा । लामो समयदेखिको सितलहरले अत्याधिक चिसो बढेपछि बाँकेको खुजुरा गाँउपालिका अन्तर्गत वडा नम्बर ६ का ब्युत्पन्न नागरिसकलाई न्यानो सिरक तथा कपडा वितरण गरिएको छ ।
वडाका जेष्ठ नागरिकको सम्मान स्वरुप २३३ जनालाई उलनको सुइटर, ६० जनालाई फाइबर ब्ल्याङ्केटm ५० जनालाई ब्ल्याङ्केट वितरण गरिएको खजुरा गाँउपालिकाले जनाएको छ ।
गाँउपालिकाले आज बिहान आयोजना गरेको कार्यक्रममा पालिका अध्यक्ष डम्बर बिकले स्थानीय ९० बर्षिया सुखिया कोरि लाई सुईटर हस्तान्तरण गर्दै कार्यक्रम को उदघाटन गरे । कार्यक्रममा असहाय बालबालिकालाई ८७ थान स्कुल ड्रेस पनि बितरण गरिएको थियो ।
कार्यक्रममा बोल्दै अध्यक्ष बिकले आगामी दिनहरुमा सरकारले ब्युत्पन्न र जेष्ठ नागरिक लक्षित कार्यक्रम गरि जनतालाई सेवा प्रदान गर्ने प्रतिबद्धता व्यक्त गरे ।
कार्यक्रममा गाँउपालिका उपाध्यक्ष मन्जु मल्ल, ईलाका प्रहरी कार्यलय धनौलिका ईन्चार्ज प्रेम रेग्मी सहित वडा अध्यक्ष फारुक शेष र वडा सदस्यहरुको उपस्थिती रहेको थियो ।
प्रतिक्रिया