काठमाडौं । नेकपा एमालेका सांसद कृष्णगोपाल श्रेष्ठले सभामुख र उपसभामुखले पदीय मर्यादा भन्दा माथि उठेर संसदको काम कारबाहीलाई चुस्त बनाउनुपर्ने बताएका छन् ।
उपसभामुख चयन गर्न शनिबार बसेको प्रतिनिधिसभा बैठकमा इन्दिरा रानामगरको पक्षमा बोल्दै
सांसद श्रेष्ठले सभामुख र उपसभामुखले पदीय मर्यादाबाट विचलित नभै माथि उठेर काम गर्नुपर्ने बताएका हुन् ।
विगतका सभामुखले दल फुटाउने भूमिका खेलेको आरोप लगाउँदै उनले अबको सभामुख उपसभामुखबाट त्यस्तो काम हुन्न भन्नेमा विश्वास दिलाउन जरुरी रहेको बताए । उनले सभामुख उपसभामुखले सदनमा रेफ्रीको भूमिका निर्वाह गर्नुपर्ने धारणा राखे ।
सांसद श्रेष्ठले इन्दिरा रानामगरलाई उपसभामुखमा जिताउन पनि सदनलाई आग्रह गरे ।
प्रतिक्रिया