काठमाडौं । चलचित्र ‘बिहे पास’को प्रदर्शन मिति नजिकिँदै गर्दा यो फिल्मको बुधबार टिजर रिलिज गरिएको छ । बुढा सुब्बा डिजिटलमार्फत यो टिजर दर्शकमाझ ल्याइएको हो ।
यो फिल्म आगामी १ वैशाख गते बाट रिलिज हुँदै छ । यस चलचित्रमा दयाहाङ राई, प्रकृति श्रेष्ठ, श्याम राई, विशाल पहाडी, सुवास गजुरेल, हिउँवाला गौतम, रुषा न्यौपाने, नवीन शेरचन, उमा बानियाँ र प्रकाश भुजेलले अभिनय गरेका छन् ।
बुधबार जारी गरिएको १ मिनेटको टिजरमा दयाहाङ र प्रकृतिलाई पतिपत्नीका रूपमा प्रस्तुत गरिएको छ । टिजरमा प्रकृति सरकारी अधिकृत र दयाहाङ भने सरकारी जागिरको खोजीमा मरिमेटेको दृश्य प्रस्तुत छ । स्नातक गरेर पनि जागिर नपाउँदाको पीडा यो फिल्मको टिजरमा प्रस्तुत छ । टिजरले नेपालका युवा विदेश पलायन हुनुको कारण पनि दर्साएको छ ।
आरआर फिल्म प्रोडक्सनको निर्माण र वितरण रहेको फिल्म पूर्वी नेपालका विभिन्न रमणीय स्थलमा खिचिएको हो । जसमा रोहित कटेलको प्रस्तुति, रत्न श्रेष्ठ कार्यकारी निर्माता, रोजन श्रेष्ठ निर्माता, ग्याल्जेन लामा र बालकृष्ण पाख्रिन सहनिर्माता रहेको छ ।
प्रवेश पौडेलको निर्देशन गरेको यो फिल्म रोहित कटेल र रत्न श्रेष्ठले निर्माण गरेका हुन् । फिल्ममा शिव ढकालले खिचेको फिल्मका गीतमा प्रवेश मल्लिकको संगीत, डीपी खनालको गीत, शैलेन्द्र प्रधानको पाश्र्व संगीत छ ।
रामजी लामिछानेको कोरियोग्राफी रहेको फिल्म मित्र गुरुङले सम्पादन गरेका हुन् । मर्रे केर, आकाश बराल र सजन काफ्लेको कथा रहेको फिल्मको पटकथा र संवाद भने आकाश र सजनले तयार पारेका हुन् ।
प्रतिक्रिया