काठमाडौं । फागु अर्थात होली पर्वको सुरुवातको रुपमा काठमाडौंको वसन्तपुरस्थित हनुमानढोका दरबारमा तीनतले चीर ठड्याइएको छ ।
हनुमानढोका दरबारको गद्दी बैठकको दक्षिणतर्फ बिहान ७ः४५ बजेको साइतमा रंगीचंगी ध्वजासहितको चीर ठड्याएर होली पर्वको सुरुवात गरिएको हो ।
मानन्धर समुदायले रंगीचंगी ध्वजासहितको चीर ठड्याएर र एकअर्कालाई अबिर दलेर होली पर्व शुरु भएको मानिन्छ ।
होलीको चीर ठड्याएपछि होली पर्व शुरु भएको मान्ने गरिन्छ । असत्यमाथि सत्यको जितको रुपमा चिर ठड्याउने गरिन्छ ।
आजै हनुमानढोका दरबारको सुन्दरीचोक, पाटनको कृष्णमन्दिर प्राङ्गण र पशुपतिमा पनि रंगीचंगी कपडा झुन्ड्याइन्छ ।
यस वर्ष हिमाली र पहाडी जिल्ला यही फागुन २२ गते र तराईमा २३ गते होली परेको छ । परेको छ ।
प्रतिक्रिया