बुटवल । जिल्ला प्रहरी कार्यालय रुपन्देहीले १८ लाख भन्दा बढि मूल्यको अवैध सामान बरामद गरेको छ ।
शुक्रबार दिउँसो ११ः२० बजे मायादेवी गाउँपालिका वडा नम्बर ७ वनगाईबाट १८ लाख ३६ हजार ६८० रुपियाँ बराबरको भन्सार छलीको सामान जिल्ला प्रहरी कार्यालय रुपन्देहीबाट खटिएको टोलीले नियन्त्रणमा लिएको हो ।
रुपन्देहीको मर्चवारी गाउँपालिका-४ बस्ने ३६ वर्षीय ओमप्रकाश यादवले चलाएको ग १ त ४६२५ नम्बरको ट्याक्टरलाई वनगाईमा रोकेर चेकजाँच गर्दा भारतबाट ल्याउँदै गरेको अवैध सामान बरामद गरिएको जिल्ला प्रहरी कार्यालय रुपन्देहीका प्रवक्ता प्रहरी नायब उपरीक्षक श्यामु अर्यालले जानकारी दिए ।
प्रहरीमा अनुसार चेकजाँचका क्रममा लेडीज सुट ५६८ पिस, ब्लाउजको अस्तर (भित्री) २ हजार पिस, पहेंलो धोतीको कपडा २ हजार ६४० पिस, पुजामा प्रयोग गरिने सेतो कपडा ३८० पिस, जेन्स बेल्ट ४१० पिस बरामद गरी ट्याक्टरसहित नियन्त्रणमा लिइएको हो । बरामद सामान आवश्यक कारवाहीको लागि भैरहवा भन्सार कार्यालय पठाइएको छ ।
प्रतिक्रिया