३० कार्तिक २०८३, सोमबार | November 16, 2026

एमालेलाई माओवादीको प्रश्न- पहिलो दललाई पनि सहमतिमा लैजाऔँ भन्ने प्रधानमन्त्रीको प्रस्ताव गलत हो?



काठमाडौं । नेकपा माओवादी केन्द्रले प्रधानमन्त्री पुष्पकमल दाहाल प्रचण्डले राष्ट्रपतिमा राष्ट्रिय सहमतिको प्रस्ताव गरेर राम्रो गरेको र त्यसरी अगाडि बढ्न सकेको भए राम्रो हुने थियो भन्ने मत राखेको छ । प्रधानमन्त्री प्रचण्डले सोमबारको प्रतिनिधि सभा बैठकमा राखेको विश्वासको मत लिने प्रस्तावमा बोल्दै माओवादी केन्द्रका सांसद देवेन्द्र पौडेलले राष्ट्रिय सहमतिको प्रस्तावको बचाउ गरेका हुन् ।

‘नेकपा एमालेसँग मेरो एउटा अनुरोध छ, यो सदनमा नेपाली कांग्रेस भन्ने पार्टी सदनको पहिलो पार्टी हो भन्ने कुरा तपाईंहरुले धरहराबाट हेर्नुपर्छ कि सगरमाथाबाट हेर्नुपर्छ? दोस्रो दललाई सहमति चाहियो, पहिलो दललाई समेत सहमति गरेर अगाडि बढौँ भन्ने प्रधानमन्त्रीले राखेको कुरा गलत थियो?,’ पौडेलले प्रश्न गरे ।

उनले इतिहासको कठघरामा उभिएर जवाफ दिन आफूहरु तयार रहेको बताए । उनले देशमा उपस्थित कतिपय चुनौतीहरुलाई भविष्यमा अगाडि बढ्नका निम्ति सहमति खोजिने तर्क गरे । उनले भने, ‘विगतका कुराको पुनरावृत्ति गरेर सहमतिको आवश्यकता थिएन, हुँदैन । इतिहासको सम्मान गर्ने हो । रक्षा गर्ने हो । तर गल्ती भएका कुरालाई सच्याएर अगाडि बढ्ने हो ।’

एमाले अध्यक्ष केपी शर्मा ओलीले पुस २५ गतेको प्रतिनिधि सभा बैठकमा प्रतिनिधि सभा विघटनको बचाउ गरेकोमा पनि पौडेल असन्तुष्ट सुनिए । दुई-दुई पटक गरिएको प्रतिनिधि सभा विघटनलाई सर्वोच्चले सच्याइदिएको भन्दै उनले त्यसलाई सदर गर्न यो प्रतिनिधि सभा नबनेको बताए । उनले भने, ‘यही कारणले परिस्थिति फरक पर्‍यो ।’

आफ्नो सम्बोधनका क्रममा एमाले उपाध्यक्ष विष्णु पौडेलले प्रचण्डको राष्ट्रिय सहमति एमाले नरहेको बताएका थिए । एमाले बिना राष्ट्रिय सहमति नहुने उनको भनाइ थियो ।

प्रकाशित मिति : ६ चैत्र २०७९, सोमबार  ३ : ०३ बजे

Your email address will not be published.

विश्वका १०५ गभर्नरको रिपोर्ट कार्ड सार्वजनिक, नेपालका गभर्नर विश्वनाथ पौडेलले पाए ‘बी’ ग्रेड

काठमाडौ । विश्वका केन्द्रीय बैंकका गभर्नरहरूको कार्यसम्पादन मूल्यांकन गर्ने अन्तर्राष्ट्रिय

प्रस्तावित यौनहिंसासम्बन्धी विधेयकमा थप सुधारको आवश्यकता

काठमाडौं । कानुन, न्याय तथा संसदीय मामिला मन्त्रालयले यौनहिंसासम्बन्धी तयार

कात्तिकमा सवारी नियम उल्लङ्घन गर्ने १२ हजार ९६७ चालक कारबाहीमा

काठमाडौं । काठमाडौं उपत्यकामा ट्राफिक नियम उल्लङ्घन गर्ने १२ हजार

बझाङमा अटो दुर्घटना : चार जनाको मृत्यु, एक बालक सकुशल

काठमाडौं । बझाङको बुंगल नगरपालिका–१० स्थित टुमेडामा अटो दुर्घटना हुँदा