भैरहवा । रुपन्देहीको तिलोत्ताममा रहेको नमस्ते एकेडेमीले लुम्बिनी, बुद्ध र बुद्धको जीवनीको बिषयमा अन्तरक्रिया गरेको छ ।
नमस्ते एकेडेमी र लुम्बिनी बौद्धिष्ट युनिभरसिटिको सहकार्यमा भएको कार्यक्रममा बुद्धसंग सम्बन्धीत बिषयमा बिद्यार्थीले लुम्बिनी बौद्ध बिश्व बिद्यालयका प्रोफेसर डा. निमा शेर्पा, बिश्व बिद्यालयमा अध्ययनरत रोशनी गुरुङ, चुङगुडा गुरुङले बिद्यार्थीले सोधेका जिज्ञासा मेटाएका थिए ।
बिद्यालयका बिद्यार्थीहरुले बुद्धिजमका बिषयमा बुद्धले प्राप्त गरेको ज्ञान, ध्यान, बुद्ध र बुद्धका अनुयायीले लगाउने बस्तका बिषयमा जानकारी लिएका थिए ।
समुहगत छलफल कार्यक्रमको सञ्चालन कक्षा १० मा अध्ययनरत बिद्यार्थी बिष्णु यादव र मोहम्मद अबुजरले गरेका थिए । कार्यक्रममा ध्यान सिकाउनका साथै ध्यानका फाईदाका बिषयमा बिद्यार्थीहरुलाई जानकारी दिईएको थियो । बिद्यार्थीहरुलाई लुम्बिनी बौद्ध बिश्व बिद्यालयका प्रोफेसर डा.निमा शेर्पाले जानकारी दिएका थिए ।
विद्यालयका सञ्चालक श्यामलाल खरेल प्रमुख अतिथी रहेको कार्यक्रमको अध्यक्षता प्रधानाध्यापक जिग्मी शेर्पाले गरेका थिए भने कार्यक्रम सञ्चालन सहप्रधानाध्यपक लिलामण्डी पाण्डेले गरेका थिए ।
प्रतिक्रिया