काठमाडौं । बिभिन्न माग राख्दै आमरण अनशनमा बसेका बर्दियाका–१ बाट निर्वाचित प्रतिनिधिसभा सदस्य सञ्जयकुमार गौतमले आठौं दिनमा अनशन तोडेका छन् ।
पप्पु निर्माण कम्पनीको लापरवाहीले भाँच्चिएको बारबर्दिया र गुलरिया जोड्ने जब्दीघाट पुलमुनि अनशन बसेका कांग्रेस केन्द्रीय सदस्य गौतमलाई भौतिक पूर्वाधार तथा यातायातमन्त्री प्रकाश ज्वालाले जुस खुवाएर अनशन अन्त्य गराएका छन् । अनशन तोड्नु अघि मन्त्री ज्वालासँग ११ बुँदे सहमति भएको थियो ।
अनशन तोडेपनि स्वास्थ्य अवस्था कमजोर भएकाले गौतम जिल्ला अस्पताल बर्दियामा भर्नाभएको बताइएको छ ।
पुल निर्माण हुनुपर्नेसहितका विभिन्न १५ बुदे माग राखेर ३० वैशाखदेखि जब्दीघाटको भत्किएको पुलमुनि सांसद गौतम आमरण अनशन बसेका थिए । गौतमसँग वार्ता गर्न मन्त्री ज्वाला शनिबार बारबर्दिया नगरपालिका–११ स्थित अनशनस्थलमा नै पुगेका थिए ।
प्रतिक्रिया