आजको मौसम : कोशी र बाग्मती प्रदेशका केही स्थानमा बिहानैदेखि वर्षाको सम्भावना

काठमाडौं । कोशी, मधेस र बाग्मती प्रदेशमा आज बिहान सामान्यदेखि पूर्ण बदली रहेको छ । जल तथा मौसम विज्ञान विभागका अनुसार देशका बाँकी भू-भागमा आंशिकदेखि सामान्य बदली रहेको छ । कोशी र बाग्मती प्रदेशका केही भू-भागमा हल्का वर्षा भइरहेको छ ।

आज दिउँसो कोशी, बाग्मती र गण्डकी प्रदेशमा सामान्य बदली रहनेछ । अन्य भू-भागमा आंशिकदेखि सामान्य बदली रहनेछ । देशको पहाडी भू-भागहरूका केही स्थानमा र बाँकी भू-भागका थोरै स्थानमा मेघगर्जन र चट्याङसहित हल्का वर्षाको सम्भावना रहेको छ । तराईका केही स्थानमा हावाहुरीको सम्भावना रहेको छ ।

विभागले आज राति देशको पहाडी भू-भागहरूमा आंशिक बदली रहने जनाएको छ । बाँकी भू-भागहरूमा मौसम सामान्यतया सफा रहनेछ । कोसी प्रदेशका थोरै स्थानमा मेघगर्जनसहित हल्कादेखि मध्यम वर्षाको सम्भावना रहेको छ ।

हाल देशमा पश्चिमी निम्न चापीय प्रणालीको साथै स्थानीय वायुको प्रभाव रहेको छ ।