बुटवल । केहीदिन देखि बुटवलमा भइरहेको विद्युत सेवा अनियमितताका सम्बन्धमा एमाले निकट रास्टिय युवा संघ रुपन्देहीले विद्युत प्राधिकरणलाई ध्यानाकर्षण गराएको छ । युवा संघ रुपन्देहीका ईन्चार्ज एवं जनप्रतिनिधि नहकुल शाही तथा रुपन्देही अध्यक्ष बिकास जँग बस्नेत क्षेत्रीको नेतृत्वमा आज बुटवल स्थित विद्युत वितरण केन्द्र पुगेर प्राधिकरणको ध्यानाकर्षण गराएको हो ।
प्राधिकरण पुगेको संघको टोलीले विद्युतकाे वितरण केन्द्र बुटवलका प्रमुख कपिलराज पाण्डेलाई ध्यानाकर्षण पत्रबुझाएका छन् । सो अवसरमा बोल्दै युवा नेता शाहीले पछिल्लो समय बढेको चरम गर्मी र विद्युतमा देखिएको व्यापक अनियमितताले जनजीवन प्रभावित भएको बताए । विद्युत नियमित नहुँदा उद्योग कलकारखानाहरु सञ्चालन आउन नसकेको भन्दै उनले मुलुकले आर्थिक रुपमा समेत ठूलो क्षति व्यहोर्न परेको उल्लेख गरे ।
यसैगरी युवा संघ रुपन्दही अधयक्ष बस्नेतले ध्यानाकर्षण पत्र बुझाउँदै अबको एक हप्तामा पनि समस्या समाधान नभए थप कार्यक्रम सहित चरणवद्ध आन्दोलनमा जाने चेतावनी दिए ।
ध्यानाकर्षण पत्र बुझ्दै बुटवल विद्युत वितरण केन्द्रका प्रमुख पाण्डेले राष्ट्रिय स्तरमै समस्या देखिएको बताए । पछिल्लो २-३ दिनदेखि समस्या अत्याधिक बढेको उनले स्वीकार गर्दै उनले राष्ट्रिय ग्रिडमै लो भोल्टेज तथा सिस्टम डाउन हुँदा समस्या भएको उल्लेख गरे । रास्टिय युवा संघ नेपालका केन्द्रीय सदस्य केशब रोक्का तथा रुपन्देही उपाध्यक्ष दिपक खडगी तथा मनोज गौचन लगायतको उपस्थिमा ज्ञापनपत्र बुझाइएको थियो ।
प्रतिक्रिया