काठमाडौं । नेपाल प्रहरीका २२ कर्मचारी सम्पर्कविहीन भएपछि प्रहरी प्रधान कार्यालयले उनीहरुको खोजीकार्य सुरु गरेको छ । प्रधान कार्यालयले कार्यालयको सम्पर्कमा नभएका २२ जनालाई सम्पर्कमा आउन सूचना जारी गरेको छ।
प्रहरी हवल्दार, प्रहरी सहायक हवल्दार र प्रहरी जवान गरी २२ जना कर्मचारी प्रधान कार्यालयको सम्पर्कमा नरहेको जनाउँदै कार्यालयले सम्पर्कमा आउन सूचना जारी गरेको हो । कार्यालयमा जानकारी नगराई सम्पर्कविहीन हुनेमा १ जना प्रहरी हवल्दार, ५ जना सहायक हवल्दार र १६ जना प्रहरी जवानहरु रहेका छन् ।
कार्यालयले सूचना प्रकाशित भएको ७ दिनभित्र सम्पर्कमा आउन अनुरोध गरेको छ । सम्पर्कमा नआउनेहरुलाई सेवाबाट हटाइने सूचनामा स्पष्ट गरिएको छ।
प्रतिक्रिया