काठमाडौँ । नेकपा (माओवादी केन्द्र)ले पार्टीका पदाधिकारीहरूको जिम्मेवारी हेरफेर गर्ने भएको छ ।
जारी केन्द्रीय समितिको बैठक बस्नुअघि प्रधानमन्त्री निवास बालुवाटारमा बसेको पदाधिकारी बैठकले सबै पदाधिकारीहरुको जिम्मेवारी हेरफेर गर्ने निर्णय गरेको हो ।
जसअनुसार उपमहासचिव वर्षमान पुन अनन्तले विशेष प्रदेशको जिम्मेवारी पाएका छन् । अर्का उपमहासचिव जनार्दन शर्माले बागमती प्रदेश इन्चार्जको जिम्मेवारी पाउँदा देवेन्द्र पौडेललाई मधेस प्रदेशको जिम्मेवारी दिइएको छ ।
यसैगरी कर्णालीमा चन्द्रप्रकाश खनाल, सुदुरपश्चिममा डिलाराम आचार्यले इन्चार्जको जिम्मेवारी पाएका छनन् ।
पदाधिकारी बैठक सकिएलगत्तै कमलादीस्थित प्रज्ञा भवनमा केन्द्रीय समिति बैठक सुरु भएको छ । उक्त बैठकमा सदस्यहरुले उठाएका प्रश्नको जवाफ अध्धयक्ष पुष्पकमल दाहाल प्रचण्डले दिइरहेका छन् ।
आजसम्म मात्र हल बुक भएका कारण बैठक आजै सक्नुपर्ने दबाब रहेको छ । यद्यपी, अझै पनि धेरै केन्द्रीय सदस्यहरुले बोल्न बाँकी रहेको छ । बोल्न बाँकी केन्द्रीय सदस्यहरुलाई लिखित रुपमा आफ्नो सुझाव दिन भनिएको छ ।
प्रतिक्रिया