७६औँ स्वतन्त्रता दिवसको पाकिस्तानी दूतावासले फहरायो राष्ट्रिय झण्डा

काठमाडौं । ७६औँ स्वतन्त्रता दिवसको अवसरमा पाकिस्तानी राजदूतावासले झण्डोत्तोलन कार्यक्रम आयोजना गरेको छ ।
पाकिस्तानी दूतावासमा आयोजित एक कार्यक्रममा कार्यवाहक राजदूतउमेर अलीले पाकिस्तानको राष्ट्रिय झण्डा फहराएका छन्। कार्यक्रममा दूतावासका अधिकारी तथा कर्मचारी र पाकिस्तानी समुदायको सहभागिता रहेको थियो ।

त्यसअवसरमा पाकिस्तानका राष्ट्रपति र प्रधानमन्त्रीको सन्देश पढेर सुनाइएको थियो । कार्यबहाक राजदूत उमैर अलीले सन् १९४० मा मुस्लिमहरूले आफू र आफ्ना भावी पुस्ताका लागि छुट्टै मातृभूमि निर्माण गर्न गरेको संकल्पको स्मरण गरे । उनले पुर्खाले परिकल्पना गरेको मातृभुमिलाई पाकिस्तान बनाउन गरेको प्रतिवद्धतालाई पुनःपुष्टि गर्नुपर्ने आवश्यकतालाई जोड दिए ।