नेपालगन्ज । नेपालगन्ज उद्योग वाणिज्य संघको अध्यक्ष पदमा समावेशी प्यानलका उम्मेदवार टंकबहादुर धामी विजयी भएका छन् ।
धामी आफ्ना प्रतिद्वन्दी साझा प्रजातान्त्रिक समुहका ललित रौनीयालाई ८९० मतान्तरले पछि पार्दै विजयी भएका हुन् । धामीले दुई हजार ४ सय ५६ मत प्राप्त गर्दा उनका निकटतम प्रतिद्वन्द्वी साझा प्रजातान्त्रिक प्यानलका उम्मेदवार रौनियारले एक हजार ५ सय ६६ मत प्राप्त गरेका थिए ।
कुल चार हजार १ सय ३२ मत खसेकोमा अध्यक्ष पदमा एक सय १० मत बदर भएको थियो ।
यस अघि एशोसियट र सम्बद्ध सदस्य तथा सदस्यहरुको नतिजा सार्वजनिक भइसकेको छ । सदस्यहरुमा समावेशीबाट ७ जना र साझा प्रजातान्त्रिकबाट ३ जना विजयी भएका छन् । विजयीहुने सदस्यहरुमा विष्णु श्रेष्ठ १९८०, डम्बरबहादुर चन्द १८३७, ईन्दिराकुमारी शाही १८२०, शिवप्रसाद दाहाल १८०५, तोपबहादुर थापा १७२२, सुदन केसी १७०१, टिकामणी उपाध्याय १६०३, बुद्धिबहादुर बिक १५८६, युवराज ढकाल १५६५ र सन्तोषकुमार पौडेल १५३१ रहेका छन् ।
एशोसियटमा कमल कार्की र प्रदिप गुप्ता तथा सम्बद्धमा किसन गुरुङ तथा बिनय श्रेष्ठ र हिमनाथ पौडेल बिजयी भएका छन् । उद्योग तर्फको उपाध्यक्ष, बाणिज्य उपाध्यक्ष, महिला उपाध्यक्ष, महासचिव, उपमहासचिव र कोषाध्यक्षको परिणाम आउन बाँकी छ ।
प्रतिक्रिया