काठमाडौं । नेकपा माओवादीका अध्यक्ष एवं प्रधानमन्त्री पुष्पकमल दाहाल प्रचण्डले जनतामा सरकार र प्रणालीप्रतिको विश्वास बढ्दै गएको बताएका छन् ।
आजबाट सुरु पार्टीको तीन महिने ‘जनतासँग माओवादी विशेष रूपान्तरण अभियान’ को भर्चुअल उद्घाटन गर्दै प्रचण्डले सरकारले इतिहासले सम्झिने गरी कैयौं सहासिक र जनपक्षीय काम गर्दैै गएका कारण जनतामा विश्वास बढ्दै गएको बताएका हुन् । राजनीतिक दल र नेतृत्वप्रति जनतामा रहेको निराशालाई आफ्नो नेतृत्वको सरकारले आशामा परिणत गराएको उनले बताउँदै सरकारले इतिहासकै राम्रो काम गरेको दाबी गरे ।
‘सरकारले इतिहासले नै सम्झिने गरी कयौं सहासिक र जनपक्षीय कामहरु अगाडि बढाएको छ’, प्रचण्डले भने, ‘जनतामा अब केही हुन्छ भन्ने आशाको रक्तसञ्चार गराएको छ ।’
‘भुटानी शरणार्थी प्रकरण, ललिता निवास प्रकरण, सुन तस्करी प्रकरणलगायतका घटनामा भएका निष्पक्ष छानबिनन र कारबाहीले जनतामा उत्साह आएको उनले जिकिर गरे ।
प्रचण्डले तीन महिने रुपान्तरण अभियानले पार्टीको जनसम्बन्ध बलियो बनाउने बनाउने विश्वास व्यक्त गरे । उनले सिंगो पार्टी एकढिक्का भएर अघि बढे सबै चुनौतीको सामना गर्न सकिने बताए ।
प्रतिक्रिया