सरकार र आन्दोलनरत शिक्षकबीच गृह मन्त्रालयमा वार्ता

काठमाडौं। सरकार र आन्दोलनरत शिक्षकबीच वार्ता भइरहेको छ । सिंहदरबारस्थित गृह मन्त्रालयमा वार्ता भइरहेको हो ।

बिहीबारको वार्ता निष्कर्षविहीन भएपछि शुक्रबार पुनः वार्ता भएको हो । दुईपक्षबीचको वार्ता गृह मन्त्रालयमा वार्ता भैरहेको छ । बिहान ९ बजे बस्ने भनिएको वार्ता दुवै पक्षले आन्तरिक छलफल गर्ने भन्दै पछि सारिएको थियो ।

बिहानै कार्यबहाक प्रधानमन्त्री पूर्णबहादुर खड्का, उपप्रधानमन्त्री एवं गृहमन्त्री नारायणकाजी श्रेष्ठ कानून, न्याय तथा संसदीय मामिलामन्त्री धनराज गुरुङ, शिक्षा, विज्ञान तथा प्रविधिमन्त्री अशोककुमार राई, सञ्चार तथा सूचना प्रविधिमन्त्री रेखा शर्माबीच शिक्षकका मागबारे छलफल भएको थियो ।

सरकारले संसदमा दर्ता गरेको विद्यालय शिक्षा विधेयकप्रति विरोध जनाउँदै देशभरका शिक्षक काठमाडौं आएर प्रदर्शनमा उत्रिएका छन् ।