काठमाडौं । इजरायलमा जारी युद्धमा परेका नेपालीबारे आवश्यक निर्णय लिन परराष्ट्र मन्त्रालयमा बैठक बसिरहेको छ ।
परराष्ट्रमन्त्री एनपी साउदको संयोजकत्वमा आइतबार गठन भएको समन्वय संयन्त्रको बैठकमा इजरायलमा फसेका नेपालीको पहिचान र उद्धारको लागि निर्णय हुने बताइएको छ ।
संयन्त्रले युद्धग्रस्त क्षेत्रको अनुगमन र त्यहाँको वस्तुस्थितिको समग्र मूल्याकन गरेर नेपाली नागरिकको अवस्था पहिचान गर्ने, उद्दार गर्नुपर्ने अवस्थामा उक्त कार्यसमेत गर्नका लागि आवश्यक निर्णय लिने, समन्वय तथा सहयोग गर्ने लगायतका सम्पूर्ण कामहरू गर्ने म्यान्डेड पाएको छ ।
प्यालेष्टायनी विद्रोही समुह हमासले गरेको आकस्मिक आक्रमणमा इजरायलमा अध्ययनरत १० जना नेपाली विद्यार्थीको मृत्यु भएको छ भने एक जना सम्पर्कबिहीन भएका छन् । इजरायलले हमासविरुद्ध युद्धको घोषणा गरेको छ ।
प्रतिक्रिया