नेपालगन्ज । बर्दियामा नेपाल प्रहरी र सशस्त्र प्रहरीको संयुक्त टोलीले ठुलो परिमाणमा ब्राउनसुगर सहित एकजनालाई नियन्त्रणमा लिएको छ । बर्दियाको बढैयाताल गाउंपालिका वडा नम्बर ८ बाट प्रहरीले ठूलो मात्रामा ब्राउनसुगरसहित कोहलपुर नगरपालिका वडा नम्बर १५ का निराजकुमार थारुलाई पक्राउ गरेको हो ।
भे ३ प २६९६ नम्बरको मोटरसाइकलमा भारतबाट नेपाल तर्फ आउँदै गरेका थारुलाई २० ग्राम ब्राउनसुगरसहित पक्राउ गरिएको प्रहरीले जनाएको छ ।
भारतबाट आउँदै गरेका थारुलाई नेपाल प्रहरी र सशस्त्र प्रहरीको टोलीले पक्राउ गरेको हो । पक्राउ गरिएका थारुलाई आवश्यक कारबाहीका लागि ईलाका प्रहरी कार्यालय, मैनापोखर बर्दियामा बुझाइएको छ ।
प्रतिक्रिया