बुटवल । रुपन्देहीको तिलोत्तमा नगरपालिका ९ मंगलापुरबाट ठुलो परिमाणको लागुऔषध ब्राउनसुगर सहित १ जनालाई प्रहरीले पक्राउ गरेको छ ।
लागुऔषध नियन्त्रण शाखा कार्यालय भैरहवा र जिल्ला प्रहरी कार्यालय रुपन्देही मातहतबाट खटिएको संयुक्त प्रहरी टोलीले मंगलापुर चोकबाट रोहिणी गाउँपालिका वडा नं. ७ पर्साका ४६ वर्षिय अकवाल देवानलाई लागु औषधसहित पक्राउ गरेको हो ।
आज अपरान्ह ३ बजेको समयमा तिलोत्तमा नगरपालिका वडा नं.९ स्थित मंगलापुर चोकमा खटिएको संयुक्त प्रहरी टोलीले शंकास्पद रुपमा हिडडुल गरेका देवानलाई चेकजाच गर्दा उनीसंग ब्राउनसुगर फेला परेपछि तत्काल नियन्त्रणमा लिइएको रुपन्देही प्रहरी प्रवक्ता डीएसपी कृष्णकुमार चन्दले बताए ।
देवानको पाईन्टको गोजिमा लुकाई राखेको लागु औषध ब्राउनसुगर जस्तो देखिने पदार्थ तौल २६ ग्राम ३५०मि.लि. ग्रामसहित नियन्त्रणमा लिई थप अनुसन्धान कार्य जारी रहेको डीएसपी चन्दले बताए ।
प्रतिक्रिया